日職今日開咧，首輪即上演「大阪府打吡戰(zhàn)」，大阪飛腳火併大阪櫻花。飛腳上季帶畀球迷唔少驚喜，進佔日職第4，成功洗脫「魚腩」味，不過今季聯(lián)賽首輪就要硬撼宿敵櫻花，就有一定阻滯，事關(guān)近年對賽櫻花贏多輸少，擺明「格食格」，客勝值得睇高一線。
（myTV SUPER周五晚6時直播）文:邪神
飛腳近季都喺中下游徘徊，在西班牙主帥普耶度斯艱苦經(jīng)營下，上季終於有所收穫，闖入前4取得近年最佳成績，相隔4年後重獲亞洲賽資格，不過問題係，佢哋今季唔再被各隊輕視之下，能否保持上季好成績係關(guān)鍵所在，隊長宇佐美貴史仍然係球隊中場靈魂，但上季有出色表現(xiàn)嘅前鋒小將坂本一彩於上月外借到比甲韋斯達路，球隊冇咗個進攻主力，進攻點都差啲。
易帥改革明恰飛腳
翻查往績，近年「大阪府打吡」櫻花都係佔優(yōu)一方，近6次聯(lián)賽交手5勝1負，心理上已經(jīng)有著數(shù)，加上球隊今季亦進行改革，原監(jiān)督小菊昭雄季尾請辭，請來曾擔(dān)任普斯迪高路助手嘅澳洲籍教練帕帕斯執(zhí)掌教鞭，相信佢嘅比賽風(fēng)格係同「澳普」同出一系，都以「喪攻」為主，老臣子香川真司已淡出主力陣容，另一老將清武弘嗣更已離隊，球隊改朝換代，由一班年輕球員上位，配合一班巴西外援帶來全新衝擊，今場有力製造驚喜。
粵公網(wǎng)安備44011302004166號