今晚女子歐聯(lián)8強次回合，冠軍熱門巴塞隆拿女足主場出擊，再鬥德國勁旅禾夫斯堡女足。今場賽事喺上星期首回合後可謂大局已定，巴塞作客取得4比1絕對優(yōu)勢，晉級4強穩(wěn)如泰山，主場極可能又嚟一場輕鬆大勝，一於捧3.5球入球大。（周五凌晨1時45分開賽）文:工廠仔
貴為對上兩屆歐聯(lián)盟主，巴塞女足實力超班亦毫不錫力，近6仗歐聯(lián)出擊全勝之餘，全部都贏對手3球或以上，認真霸氣十足，今場唔使擔心佢哋因為勝券在握或實力有差距而留有一手，何況佢哋啱啱喺聯(lián)賽意外不敵皇家馬德里女足，谷埋一肚火梗係要贏番場省招牌，整定「禾堡」唔好彩。
「禾堡」博入波拎安慰獎
巴塞女足有最強火力，踢法亦非常具侵略性，近8場賽事有7場總入球開4球或以上，相當驚人。作客嘅禾夫斯堡女足晉級機會渺茫，不過佢哋今屆歐聯(lián)都有5次單場入5球或以上嘅紀錄，鋒力有番咁上下，要入巴塞女足波唔算困難，都想拎到入波攞番個「安慰獎」。既然兩隊都擅長駁火，3.5球入球大屬穩(wěn)陣之選。
粵公網(wǎng)安備44011302004166號