您現在的位置：

>

英超：攞多1分晏菲路主場登基紅軍最後衝刺捧半W_東方日報

2025-04-27

今晚英超焦點之戰(zhàn)，利物浦主場火併熱刺，榜首利物浦只要和波，就可以提早奪冠，但畢竟喺自己地頭比賽，冇理由消極求和咁衰仔，反而要全力爭勝，以贏波同球迷一齊慶祝捧盃。熱刺要留力踢歐霸盃，隨時輪換陣容，令「紅軍」予取予攜。雙方近5次聯賽交鋒，利物浦4次上半場領先，首選半場主勝。（Now 630、621及611周日晚11時30分直播）文:Mic少

利物浦餘下5場聯賽拎1分就可以繼2020年後，第2次英超封王，由於下輪作客車路士，自然希望趁今輪喺晏菲路球場出擊捧盃，即場同「紅軍」球迷開派對。嚟到登基重要時刻，利物浦球員士氣肯定非常高昂，勢必踢場漂亮勝仗，先下手為強，盡快入波奠定勝局，以免夜長夢多。前鋒穆罕默德沙拿有望囊括神射手及助攻王雙料榮譽，相信佢仍會搏盡數胡，以及為隊友創(chuàng)造入波機會，利物浦好可能上半場就領先。

收起孫仔熱刺輪換爭歐霸
至於熱刺已護級成功，聯賽對佢哋而言只屬例行公事，現時將全副精神擺落爭奪歐霸盃，預料領隊普斯迪高路今仗會收起部分主將，留力踢嚟緊周五凌晨歐霸盃4強首回合主場對挪威球隊波杜基林特，尤甚是射手孫興民有傷在身，相信唔會披甲。

事實上，以熱刺今季頹勢，就算強陣出擊都唔係利物浦對手，雙方近2次英超交鋒，熱刺全敗合共失10球，加上今年2月英聯盃4強次回合，作客吞「紅軍」4蛋，根本無力抵擋利物浦強攻。更何況熱刺近3場英超作客都輸波，合共失7球，今仗隨時由頭輸到尾。

利物浦

上一篇：英足盃：最後捧盃希望曼城剷平森林_東方日報
下一篇：前瞻|國米1-2羅馬：被米蘭打掉精氣神，三冠王夢破，面臨四大皆空

聲明：該文觀點僅代表作者本人，今日足球網僅提供信息存儲空間服務。

利物浦(Liverpool Football Club)進入俱樂部 利物浦足球俱樂部（Liverpool Football Club）是一家位于英格蘭西北部默西賽德郡港口城市利物浦的足球俱樂部，是英格蘭足球歷史上最成功的俱樂部之一，也是歐洲乃至世界最成功的足球俱樂部之一。利物浦足球隊成立于1892年，由約翰·霍丁創(chuàng)立。1900/01賽季，利物浦球隊獲得了第一個頂級聯賽冠軍頭銜，并且在1905/06賽季再次奪冠。在1953/54賽季，利物浦球隊降級到了乙級聯賽。