女子歐國盃今晚上演終極一戰(zhàn)，衞冕嘅英格蘭女足硬撼女子世盃盟主西班牙女足，亦係兩年前女子世盃決賽翻版戲碼。兩軍雖然旗鼓相當，不過單計今屆表現，西班牙女足明顯勝一籌，佢哋今屆5戰(zhàn)，喺法定時間內獲4勝1和，連同今年較早時成績，近10場贏咗9場，客W值得捧場。（HOY TV 77臺周一凌晨零時直播）文:法達斯維
英格蘭女足今屆表現唔太標青，小組首仗即敗於法國女足腳下，小組出線後兩場淘汰賽法定時間賽和對手，包括8強對瑞典女足一度落後兩球，陷於出局邊緣下逼和對手，最後要靠互射12碼驚險晉級。4強對意大利女足，「女三獅」同樣先失1球後艱苦追和，再喺加時入波絕殺對手，先至可以闖入決賽。
「女三獅」多次喺絕處逢生，荷蘭籍冠軍主帥威格曼居功至偉，但亦有很大幸運成分，多仗贏得唔夠說服力，而且早段先失波問題持續(xù)，如果決賽對西班牙女足又再先失守，未必再有翻身機會。
女狂牛晉級相對輕鬆
另邊廂，西班牙女足喺兩年前女子世盃決賽，以1比0擊敗英格蘭女足首度捧盃，開啟咗「女狂?！故⑹?。佢哋喺去年登上女子歐國聯(lián)寶座，今屆女子歐國盃亦展示出絕對統(tǒng)治力，由分組賽至8強，4場賽事全部贏對手2球或以上，4強對德國女足雖要戰(zhàn)至加時，先憑女子金球獎得主邦瑪迪入波險勝晉級，但全場控制戰(zhàn)局，艾絲達干沙利絲依家暫以4球領先射手榜，另一女子金球獎得主佩泰娜絲亦累積3入球4助攻，加上「女狂?！垢黜椯愂陆?0場豪取9勝1和佳績，相信可以食住個勢，擊敗「女三獅」捧盃而回。
粵公網安備44011302004166號