今晚世界盃外圍賽歐洲區(qū)I組關(guān)鍵大戰(zhàn)，以色列火併意大利。今仗喺中立場匈牙利上演，意大利上場由新帥加度素首次領(lǐng)軍，大炒愛沙尼亞5粒，踢法比以往更具侵略性，加上今場只要贏波，就可以追至同排次席嘅以色列同分，勢必一開波就強攻對手。翻查雙方近4次對賽，意大利有3次上半場領(lǐng)先，一於博半場客勝。（周二凌晨2時45分開賽）文:Mic少
先講講I組形勢，榜首挪威4戰(zhàn)4勝，極大機會以小組首名直接出線，次名附加賽席位成為以色列同意大利之爭。身為傳統(tǒng)勁旅嘅意大利目前落後以色列3分，但就踢少1場，如果今晚贏波，唔只追到同分，次名之爭亦重奪主動權(quán)，必定冇保留。
接掌國家隊冇耐嘅加度素早前講過，意大利過往入球能力偏低，想重振雄風必須加強攻力，上場變陣排出442陣式，安排兩位翼鋒薩卡尼及保列坦奴擔任左右中場，進攻時變成424，非常進取，單計上半場就有17次射門，全場多達40次，相當誇張，兩位前鋒列迪古及摩斯堅恩獲得充裕傳送，上場合共攻入3球，十分合拍。既然戰(zhàn)術(shù)奏效，加度素會食過翻尋味，盡快取得入波領(lǐng)先，以免夜長夢多。
以色列質(zhì)素輸蝕
另邊廂，以色列上場同樣大勝摩爾多瓦4比0，不過好大程度上因為對手實力太弱，佢哋今年3月對同組另一強隊挪威，就輸2比4收場，論球員質(zhì)素同意大利可謂差天共地。再睇埋過往同意大利交鋒，成績就更加慘淡，雙方近4次對賽以色列輸曬，包括上年10月歐國聯(lián)大敗1比4，明顯存在「格食格」情況，睇怕半場都捱唔住，半場客勝屬穩(wěn)陣之選。
廣東聘多多 gdpdd.com 廣東招聘網(wǎng) 廣東人才網(wǎng) 廣東找工作
粵公網(wǎng)安備44011302004166號